Monday 25 April 2011

എന്തോ സള്‍ഫാന്‍

ഇന്ത്യന്‍ സമൂഹം ബ്രിടീഷ്കാരെ നാട് കടത്തി ഇന്ത്യന്‍ മോചനത്തിനു , സ്വരാജിന് മുദ്രാവാക്യം വിളിച്ചു ,,,, തെരുവിലറങ്ങി , സമരം നടത്തി ജയിലില്‍ കിടന്നു ....
ഞങ്ങള്‍ ആവേശത്തിന്റെ കൊടുമുടിയില്‍  പത്ത് അനക്ക് കത്തി വാങ്ങി കുത്തി  പാകിസ്ഥാന്‍ വാങ്ങാനുള്ള തിരക്കിലായിരുന്നു .
സമുദായം ഷബാനു കേസില്‍ ശരീഅത്തിന്റെ പ്രസക്സ്തി ചോദ്യം ചെയ്യപെട്ടപ്പോള്‍ ബുദ്ധിപരമായും , ഇസ്ലാമിക പ്രമാണം തെളിവാക്കിയും ഇസ്ലാമിനെ സമര്‍പിച്ചു
ഞങ്ങള്‍ ഒട്ടും പിന്നിലായില്ല ... ഒന്നും കെട്ടി രണ്ടു കെട്ടി ഇ എം എസ്സിന്റെ മോളേം കെട്ടി... പൊന്നാനി കൊണ്ടോയി കലിമ ചൊല്ലിച്ചു .
ഇന്ത്യന്‍ മതേതര സമൂഹം ശിലാന്യാസം മതേതര ഇന്ത്യക്ക് നാണക്കേട്‌ എന്ന് വിലപിച്ചു .
ഞങ്ങള്‍ ഒന്നാം പേജില്‍ ഒലക്ക മുക്കി ശിലാന്യാസം വിവാദ ഭൂമിക്കു പുറത്താണ് എന്ന് സ്ഥാപിച്ചു .
എല്ലാരും ബുഷ്‌ ഗോ ബാക്ക് .... അമേരിക്ക പശ്ചിമ ഏഷ്യയില്‍, ഇറാക്കില്‍ , അഫ്ഗാനില്‍ , ഫലസ്തീനില്‍ ... നരനായാട്ട് നിര്‍ത്താന്‍ പറഞ്ഞു .
ഞങ്ങള്‍ ആ അമേരിക്കന്‍ ഫണ്ട്‌ വാങ്ങി ഇഫതാര് നടത്തി ബിരിയാണി തിന്നു ഏമ്പക്കം വിട്ടു ,,, ഒബാമക്ക് സ്തുധി പാടി.
സമൂഹം മോഡി ഗുജറാത്തില്‍ നടത്തിയ മനുഷ്യ കൂട്ട കുരുതി ലോകത്തിനു മുന്‍പില്‍ തുറന്നു കാണിക്കാന്‍ ശ്രമിച്ചു ....
ഞങ്ങള്‍ കിട്ടിയ അവസരത്തില്‍ യു എന്നില്‍ ഞമ്മന്റെ ആളുകള്‍ സുരക്ഷിതരാണെന്ന് ഗീര്‍വാണം വിട്ടു.
ഇപ്പോള്‍ കേരളം എന്‍ഡോസള്‍ഫാന്‍ ഭീകരമാണ് എന്ന് അനുഭവ സാക്ഷ്യം പറയുന്നു ........
ഞങ്ങള്‍ എന്തോ സള്‍ഫാന്‍ ഉപയോഗിച്ച് പച്ച ഹലുവ ഉണ്ടാക്കാമോ എന്ന പരീക്ഷണത്തിലാണ് .....
ക്ഷമിക്ക് വിവേകം , ബുദ്ധി കാലിന്റെ പെരുവിരലില്‍ നിന്നും പുറപെട്ടു . തലയിലെത്തന്‍ സമയമെടുക്കും ...
അപ്പോള്‍ ശരി ഫിനിഷിംഗ് പൊയന്റില്‍ , പൂമലയുംയുമായി ഞങ്ങള്‍ കാണും .

Tuesday 5 April 2011

ഫേസ് ബുക്ക്

രണ്ടു വര്‍ഷം മുന്‍പാണ്‌ കേരളത്തിലെ പൊതു കക്കൂസുകളില്‍ കേരളീയന്‍ നടത്തുന്ന സാഹിത്യ സൃഷ്ടികളെ കുറിച്ച ഒരു ലേഖനം ഒരു പത്രത്തില്‍ വായിച്ചത്. വളരെ രസകരമായ പല രചനകളും ഇത്തരം ടോയിലെറ്റ് സാഹിത്യത്തില്‍ കാണാം . അത് കേരളീയന്റെ മാത്രം സ്വഭാവമല്ല എന്നും എല്ലാ നാട്ടുകര്‍ക്കിടയിലും ഈ സ്വഭാവ വൈകൃതം ഉള്ളവരുന്ടെന്നും മനസിലായത് സൗദി അറേബ്യല്‍ വന്നു അവിടത്തെ പൊതു ടോയിലെറ്റ് ഉപയോഗിക്കേണ്ടി വന്നപ്പോളാണ് . അവിടെയും ഇത്തരം സൃഷ്ടികളില്‍ മലയാളികള്‍ തങ്ങളുടെ പങ്കു വളരെ ഭംഗി ആക്കുന്നു എന്നത് എല്ലാ മലയാളികള്‍ക്കും അഭിമാനിക്കാന്‍ വക നല്‍കുന്നു. എന്തല്ലാം ആവശ്യങ്ങളും ആവലാധികളും ആക്ഷേപങ്ങളും പരിഹാസങ്ങളും ഒക്കെ മലയാളി ഇങ്ങിനെ പബ്ലിക്‌ ടോയിലെറ്റില്‍ എഴുതി വെക്കുന്നത്. ഒരുപക്ഷെ പലതും നല്ല സാഹിത്യ സൃഷ്ടികളാണ്. പരിഹാസത്തില്‍ കുഞ്ചന്‍ നമ്പ്യാരെ തോല്പിക്കുന്നവരും അക്കൂട്ടത്തില്‍ ഉണ്ട് . പക്ഷെ അതികം എഴുത്തുകളും പലപ്പോഴും വരകളും ശുദ്ധ തെറിയാണ്. വളരെ വിശദമായി ബന്ധപെടാനുള്ള ഫോണ്‍ നംബര്‍ നല്‍കി പരസ്യം കൊടുക്കുന്നവരും ഉണ്ട്.  അത് മലയാളിയുടെ സ്ഥിരം വീക്നെസ് ആണ് ഫ്രീ ആയി പരസ്യം കൊടുക്കാന്‍ പറ്റിയാല്‍ സ്വന്തം നിലനില്പ് പോലും മറന്നു മണിയറ കാര്യം വരെ പരസ്യമാക്കും. കുറച്ചു മുന്‍പ് എക്സ് പാര്‍ടിയാട്.കോം എന്ന സൈറ്റില്‍ ഒരു പരസ്യം സൗദി ലൈസെന്‍സ് ശരി ആക്കി കൊടുക്കും സപോന്സരുടെ കത്ത് വേണ്ട, നാട്ടിലെ ലൈസെന്‍സ് വേണ്ട , ചേംബര്‍ പേപ്പര്‍ വേണ്ട , ഡ്രൈവിംഗ് ടെസ്ടിനു പോകേണ്ട .... വേണ്ടത് പൈസ മാത്രം .. പേരും അഡ്രസ്സും ഫോണ്‍ നമ്പരും ഒക്കെ കൃതിയമായി കൊടുത്തിട്ടുണ്ട് നമ്മുടെ നാട്ടുകാരന്‍ .

                                        ഇതൊക്കെ ഇപ്പോള്‍ പറയാന്‍ തോന്നിയത് ഫേസ് ബൂകിലും ബ്ലോഗിലും ഒക്കെ ചില ആളുകളുടെ പരാക്രമം കണ്ടപ്പോളാണ്. വിവാഹത്തിന്റെ ക്ഷണകത്ത്‌ മുതല്‍ ആദ്യ രാത്രി വരെ നെറ്റില്‍ കിട്ടും ഇപ്പോള്‍. ഇന്റര്‍നെറ്റ്‌ സുരക്ഷിതമല്ല എന്ന് ഒരായിരം വട്ടം അനുഭവങ്ങള്‍ ഉണ്ടായിട്ടും മലയാളി കല്യാണ പിറ്റേന്ന് മുഴുവന്‍ ഫോട്ടോസും ഫസിബൂകില്‍ മറക്കാതെ അപ്പ്‌ ലോഡ് ചെയ്യുന്നു , എന്നിട്ട് ഒരു പരിചയവും ഇല്ലാത്ത വല്ലവന്റെയും അഭിപ്രായം കേള്‍ക്കാന്‍ കാത്തിരിക്കുന്നു. അത് പോലെ നാട്ടിലെ എല്ലാ രാഷ്ട്രീയക്കാരും , മത സങ്കടനകളും , അവരുടെ അനുഭാവികളും തല്ലു കൂടാന്‍ തിരഞ്ഞെടുത്ത ഏറ്റവും നല്ല വേദി ഫേസ് ബുക്കും ബ്ലോഗും ട്വിട്ടെരും ഒക്കെ ആണല്ലോ .പണ്ടൊക്കെ നമ്മുടെ നാട്ടില്‍ മത സംഘടനകള്‍ വേനല്‍ കാലമായാല്‍ മതപ്രസംഗ പരമ്പര നടത്താറുണ്ട് , വിശ്വാസികളെ അവരുടെ കര്‍മ മേഘലകളില്‍ കൂടുതല്‍ ഉറപിച്ചു നിര്‍ത്തുക , ആരാധനാ കര്‍മ്മങ്ങളില്‍ ശ്രദ്ധ ഉള്ളവരാക്കുക , നന്മയില്‍ ആപിമുഖ്യം വളര്‍ത്തുക എന്നൊക്കെ ആയിരുന്നു ആദ്യ ലക്‌ഷ്യം ക്രമേണ അതിന്റെ മുഖം എതിര്‍ ചേരിയിലും വിരുദ്ധ ആശയക്കരുമായ സഹോദര സംഘടകളെ വിമര്ശിക്കലും ചീത്ത പറയലും ഇത്തരം പരിപാടികളുടെ മുഖ്യ അജണ്ട. പിന്നീട് അത്തരം വേദികള്‍ പുതിയ കണ്ടു പിടുത്തങ്ങള്‍ ആവശ്യത്തിനു ഉപയോഗപെടുത്തി , അങ്ങിനെ എല്‍സിടി പ്രോജെച്ട്രും ബിഗ്‌ സ്ക്രീനും വെച്ചുള്ള ഖണ്ടന മണ്ടന പരമ്പര നാട്ടിലുടനീളം നടക്കുന്നു ഇപ്പോളും. അതിനിടയിലാണ് പുതിയ ട്രെന്‍ഡ് ഇത്തരം പസപരമുള്ള ആക്ഷേപങ്ങള്‍ ഫേസ് ബൂകിലും ബ്ലോഗിലും കൂടെ പിടിമുറുകുന്നു, ഒരു പക്ഷെ ഞാന്‍ ആദ്യം പറഞ്ഞ ടോയ്ലെറ്റ് സാഹിത്യവുമായി ഇപ്പോള്‍ ചില ബ്ലോഗിലെ രചനകള്‍ക്ക് വലിയ വിത്യാസം ഇല്ല , രണ്ടും തറ നിലവാരം . ഒന്നില്‍ വായിച്ചവനു അപിപ്രായം എഴുതി ഇടം മറ്റൊന്നില്‍ ഉറക്കെ പറഞ്ഞു കുറച്ചു വെള്ളം ഒഴിച്ച് എഴുന്നേറ്റു പോരാം .

പിന്‍കുറി: - ഫേസ് ബുക്ക്‌ ആയാലും , ബ്ലോഗ്‌ ആയാലും പബ്ലിക്‌ ടോയ്ലെറ്റ് ആയാലും മലയാളി തനി സ്വഭാവം കാണിക്കും ... ജനിതക വയ്കല്യം . പടച്ചോന്റെ സ്വന്തം നാടിന്‍റെ ഒരു ഗതികെടെ ,,, മക്കളില്‍ ബഹു പൂരിപക്ഷവും പിശാചിന്റെ അരുമ സന്താനംകള്‍ ....

തിരഞ്ഞെടുപ്പ് നയം

ജമാത്തെ ഇസ്ലാമി വരുന്ന നിയമസഭ തിരഞ്ഞെടുപ്പില്‍ ആര്‍ക്കു പിന്തുണ കൊടുക്കും എന്ന് പറയുന്നതിന് മുന്‍പ് തന്നെ ഇത്തവണ മീഡിയ സ്ടണ്ടും ആരംഭിച്ചു . സാധാരണ കുറച്ചു സാവധാനം കിട്ടാറുണ്ട് , ഇത്തവണ ഒരു പക്ഷെ വലതു പക്ഷത്തിന്റെ ഉറച്ച വിശ്വാസം ജമാഅത്ത് നിലപാട് അനുകൂലമാവില്ല എന്ന മുന്‍വിധി ആകാം വിഴുപ്പലക്കല്‍ നേരത്തെ തുടങ്ങാന്‍ കാരണം . ജമാഅത്ത് മുന്‍ പൊളിറ്റിക്കല്‍ സെക്രട്ടറി ഹമീദ് വാണിമേല്‍ രാജി വെച്ചതും ഒരു വാര്‍ത്ത‍ സമ്മേളനം നടത്തിയതും വേഗത്തില്‍ അജണ്ട നടപ്പിലാക്കാന്‍ അവരെ സഹായിച്ചു. നിലപാട് എടുക്കാന്‍ സാധാരണ പ്രവര്‍ത്തകരെ വരെ വിളിച്ചു ചേര്‍ത്ത് അഭിപ്രായം ചോദിക്കുന്ന മറ്റൊരു മുസ്ലിം പാര്‍ട്ടി ഉണ്ടോ എന്ന് പോലും സംശയമാണ് . സത്യത്തില്‍ ഈ തിരഞ്ഞെടുപ്പില്‍ നിലപാട് രൂപികരിക്കാന്‍ ഒരു സാധാരണ പൌരന്‍ വല്ലാതെ വിഷമിക്കുന്ന അവസ്ഥ നിലവിലില്ലെ ? നിങ്ങള്‍ ഒരു പ്രതേക രാഷ്ട്രീയ പാര്‍ട്ടി മെമ്പരോ അനുഭാവിയോ അല്ല .. എന്നാല്‍ ജന നന്മ ലക്‌ഷ്യം വെക്കുന്ന ഒരു കൂട്ടര്‍ സംസ്ഥാനം ഭരിക്കണം എന്ന് ആഗ്രഹമുണ്ട് ? ആര്‍ക്കു വോട്ട് കൊടുക്കും ? പുതിയ സാഹചര്യത്തില്‍ ഒരു പ്രതിസന്തിയാണ് . ആര്‍ക്കും കൊടുക്കാതെ മാറി നില്‍ക്കണോ ? എങ്കില്‍ നാടു ആര് അടുത്ത 5 വര്‍ഷത്തേക്ക് നയിക്കണം എന്ന സുപ്രധാന വിഷയത്തില്‍ നിങ്ങള്ക്ക് ഒരു കാഴ്ച്ചപാടില്ല എന്ന് ആക്ഷേപിക്കപെടും . അതിനാല്‍ നിലവിലുള്ള മുന്നണികളില്‍ ഒന്നിനെ പിന്തുണക്കണം ഇല്ല എങ്കില്‍ സ്വന്തമായി മത്സരിക്കണം . ആരെ പിന്തുണക്കണം എന്നതിന് എന്ത് ക്രിടീരിയ ? തിരിച്ചു എന്ത് കിട്ടും എന്ന് നോക്കി തീരുമാനികുന്നവര്‍ക്ക് വളരെ എളുപ്പം സാധിക്കും , തിരിച്ചു ഒന്നും പ്രതീക്ഷിക്കതവര്‍ക്ക് കുറച്ചു ഗഹനമായി ചിന്തിക്കേണ്ടി വരും കൂടി ആലോചിക്കേണ്ടി വരും. നല്ല ഐക്യമുള്ള പാര്‍ട്ടി ആണെങ്കില്‍ പ്രവത്തകരെ നിലപാട് ബോധ്യ പെടുത്തേണ്ടി വരും . ഇതൊക്കെ സാധാരണമാണ് , ഇതിനാണോ ഇപ്പോളത്തെ മീഡിയ യുദ്ധം ... ഇപ്പോളത്തെ യുദ്ധത്തില്‍ ഫേസ് ബൂകിലും ബ്ലോഗിലും മുന്നില്‍ നിന്ന് പരിഹസികുന്നവരില്‍ 2 കൂട്ടരാണ് ഒന്ന് കിട്ടില്ല എന്ന് സംശയമുള്ള കൂട്ടര്‍ രണ്ട് ഇത്തരം കാര്യങ്ങളില്‍ നിലപാടെടുക്കാന്‍ ത്രാണി ഇല്ലാതെ അപ്പോള്‍ കണ്ടവനെ അപ്പാന്നു വിളിച്ചോ എന്ന് അണികളെ പഠിപ്പിക്കുന്ന മത സംഘടനകള്‍ . മറ്റൊരു കൂട്ടര് കൂടി ഉണ്ട് അവര്‍ തിരഞ്ഞെടുപ്പ് കഴിഞ്ഞു വിജയിച്ചത് ആരാണ് എന്ന് നോക്കിയേ നിലപാട് പറയൂ ... ഇതൊക്കെ അറിയുന്നവരാണ് സ്വന്തം നിലപാട് ജന നന്മയും , പ്രകൃതി നന്മയും സാധാരണ കേരളീയന്റെ നന്മയും മുന്‍ നിര്‍ത്തി ആര്‍ജവത്തോടെ പറയുന്നത് . ആണത്തമുള്ള നിലപാടും ശരിയും അതാണ്. ആരിഷ്ടപെട്ടാലും ആരെതിര്‍ത്താലും  ...